அப்பா நான் பாஸாயிட்டேன்

அடுப்பு வேலையில அம்மாவுக்கு ஒத்தாசை செஞ்சு
அண்ணன் ஜீன்சை துவைச்சு அயன் பன்னி
அரைப்பரிட்சை லீவுல தோட்ட வேலை பாத்து
அப்பா நான் பாஸாயிட்டேன்

பள்ளிக் கூடத்திலேயே மூனாவது மார்க்
மொத மார்க் வாங்குன 
முத்துலட்சுமிக்கும் எனக்கும்
மூனு மார்க் வித்தியாசம்

முத்துலட்சுமி டாக்டருக்கு படிக்கப் போகுதாம்
ரெண்டாம் மார்க் வாங்குன ஜான் எஞ்சினியருக்கும
எனக்கப்புறம் இருக்கும் நளினி நர்சுக்கு படிக்கப் போகையிலே...
நான் என்ன படிக்கப்பா...?

சித்தப்பா சிவில் எஞ்சினியரிங் படிக்கும் போதே
ஆடு மேச்சதா அப்பத்தா சொல்லுச்சு
பக்கத்தூரு கவர்மெண்ட் கலேசுலயாவது 
என்னையும் சேர்த்து விடு...
அப்படியே ரெண்டு ஆட்டு குட்டியும் வாங்கிக் கொடு...

நான் கலெக்டர் ஆகனும்ப்பா - அதுக்கு
ஒரு பட்டப் படிப்பு வேணும்ப்பா
கலேஜ் சேருவதற்கு கரிசனம் காட்டுப்பா
கலெக்டர் மகள்ன்னு காலர தூக்கலாம்ப்பா

ஆடு மேய்சசு ஆட்சியர் ஆனது 
வார மாத இதழ்களில் படத்தோட வரும்
அம்மா அப்பா இனிப்பு கொடுத்தது 
அடுத்தடுத்த பககத்தில் கலர்புல்லா வரும்

அப்பா நான் பாஸாயிட்டேன்...